ဂလာန်ဆက်မိတ်
နူဂကောံမင်မွဲအာဲကၟာဲလိက်ပတ်မန်
မ္ၚဵုသီုညးဖအိုတ်ရအဴ။ ပ္ဍဲကဵုဂအာင်အာကာသ(website) ဏအ် ပိုဲနူဂကောံမင်မွဲအာဲကၟာဲ လိက်ပတ်မန်ဝွံ ကြက်ပတိုန်ထ္ၜးချူပျးအာ ပရေင်စပ်ကဵုလိက်ပတ်မန်ဂမၠိုင်နာနာသာ် ဗွဲလၟေင်လၟေင်ရောင်။ စပ်ကဵုဝေါဟာရမန်ဂမၠိုင်ကီု၊ စပ်ကဵုသဒ္ဒါမန် ဇၟန်လိက်မန် လအာအခိုက်မန်ဂမၠိုင်ကီု၊ စပ်ကဵုကွတ်ကၠာဲဘာသာမန်ကီု မပ္တံသာ်ဝွံ သွာင်စပ်ကဵုမင်မွဲအာဲကၟာဲလိက်ပတ်မန် တၞဟ်တၞဟ်သာ်တအ်ဂှ် ဆမသၟဟ်ကဵုအစောံညာဏ်ပိုဲ အယာံမာတ်ဗၞတ်ကွတ်လ္ၚတ်ပိုဲဂှ် ပိုဲပတိုန်ထ္ၜးအာဆက်ဆက် သွက်ကောန်ဂကူမန်ပိုဲတအ်ညး ဂမၠိုင်ရောင်။ သၟတ်တအ်ညးဂမၠိုင်ကီု၊ အ္စာကၞေဟ်တၠကၞေဟ်တအ်ညးဂမၠိုင်ကီု၊ ညးမဝါသနာကဵုလိက် ပတ်မန်တအ်ညးဂမၠိုင်ကီု အိုတ်ညးအိုတ်အဲ မှတ်ပလွဳပရာ ကတ်လ္ၚတ်အာလိက်ပတ်မန်တုဲ အဆံင်စရာဲဍာ်ဒကေဝ်လိက်ပတ်ပိုဲမန်တ္ၚဲဏအ် တၞဟ်နသ္ဂောံကလေင်ဂဵုလဟဵုရာင်ဆာဲတိုန် မွဲဝါပစ္စုပ္ပန်ဂတမတ်ပၠန်ဂှ် ဆက်တဲဗန်ကအ်တုဲ ညံင်ပိုဲပတိတ်ဒြဟတ်ဂိုတ်လွဳအာ ညဳညဳသာသာအိုတ်ညိဂှ် မဒးဆဝ်ပ္ၚုဟ် ပၟိင်ပၟဟ်ဖအောဝ်လဴဏာ ဗွဲမသ္ဇိုဟ်နက်ရအဴ။ ကလောကောဒေံမန်တအ်ညးဂမၠိုင်အိုဿီု သြဝ်ကဵုဂွံဍိုက်ပေင်တဴ နတသိုက်စိုတ်ကာယၐါပြကာလၟိုန်အိုတ်ညိအဴ။
နာဲသက်လောန်
ဂကောံမင်မွဲအာဲကၟာဲလိက်ပတ်မန်
(ကၟိန်ဍုင်အမေရိကာန်)
ဂိတု (၆)။ တ္ၚဲ (၇)။ သၞာံ (၂၀၁၉)
Email: [email protected]